මතකෙට නැගේ මිතුරෙක් මාගේ ඉන්න
කවියට බොහොම සමතෙකි ඌ දැනගන්න
මතුගම පහල ගලතර නිවසේ ඉන්න
දරුවා ගැන කියන්නම් දැන් අහගන්න
පාසල් යන්න හංවැල්ලට පැමිනෙන්නේ
එතනදි තමා මං ඌ ගැන දැනගන්නේ
දෙවරක් විද්යාව කොරලා ඇනගන්නේ
තුන්වන වර කලාවෙන් මූ ගොඩයන්නේ
කැළණිය සරසවිය වෙත ඇරයුම් ලැබුනේ
සෙට් එකෙ ආමි ලෙස උට නම් තැබුනේ
සතිඅන්තයේ වත් නැහැ නිවසට ඇදුනේ
දිනයක වූ දෙයක් කියනට මට සිතුනේ
සරසවි මිතුරන්ගෙ පොඩි පාටියක් කියා
ඇරයුම් ලැබී සයිකලයෙන් ගමන ගියා
බොන හැටි ගැන ඉතින් කුමටද කරුණු කියා
එන්නට පිටවුනා කන සාකුවේ තියා
අම්මා මහන කතිරයෙ මැස්මක් වාගේ
වැනි වැනි පාරෙ සයිකලෙ එයි වෙඩි වාගේ
බල්ලෙකු පනී පාරට කරුමෙට මූගේ
හොම්බෙනි ගියේ ගෙම්බා ගහුවා වාගේ
නේවාසිකාගාරය වෙත එන කලට
පලු හතරකට වෙන්වී තිබුනාලු කට
මේවත් තුවාලද හුත්තෝ කියා මට
නාගන්නට කියා බැහැලා තුවායට
බියවී ඌත් දැකලා මුව දර්පණයෙන්
තුන්කාලම හිදුන,දිව්වා කාමරයෙන්
රාගම තමා කිට්ටුම එහි ගොස් විගසින්
දොස්තර ඇවිත් බැලුවා මූ ගැන මෙලෙසින්
බේබදු වුවත් මූ ගම මිතුරන් අතර
බෝසත් ලෙසයි සිතුවේ කට්ටිය ගෙදර
දැනගත්තොත් කොහොමද මවුපිය අදර
දොස්තර නමා ගන්නට සිතුවා මිතුර
බීලා මෙහෙම එලවනවද දරුවො කියා
දොස්තර කී විටදි සැරයෙන් දෑස පියා
බීලා නොසිටි බව කිව්වා දොහොත් තියා
කට කොනකින් දොස්තරටත් සිනහ ගියා
දොස්තර මේ වයස පසුකරලා ඇත්තේ
පාඩම් ඉගෙන ගන්නට කිව්වා මත්තේ
බීලා නෙමේ නම් මේ දේ කරගත්තේ
බල්ලා තමයි බීලා ඉන්නට ඇත්තේ
කොහිල වල ගාවා
කබරය දමා ආවා
සියලු නරි නාවා
මූට LC කියා කීවා
No comments:
Post a Comment